28/10/2022
អនុប្រធានគណៈកម្មាធិការប្រជាជនខត្ត ង្វៀងហ្វិញធៀន ទទួលបដិសណ្ឋារកិច្ចក្រុមប្រតិភូការងាររបស់អង្គការជំរុញពាណិជ្ជកម្មប្រទេសជប៉ុន
កាលពីព្រឹកថ្ងៃទី ២៦ ខែតុលា អនុប្រធានគណៈកម្មាធិការប្រជាជនខេត្ត ង្វៀងហ្វិញធៀនទទួលបដិសណ្ឋារកិច្ចនិងធ្វើការជាមួយអង្គការជំរុញពាណិជ្ជកម្មប្រទេសជប៉ុន(JETRO) ដឹកនាដោយលោក Matsumoto Nobuyuki ប្រធានតំណាងអង្គការ JETRO ធ្វើជាប្រធានក្រុម។
ស្ថិតនៅពិធីទទួលនិងធ្វើការ លោក Matsumoto Nobuyuki បានឲ្យដឹងៈ នាបច្ចុប្បន្នបណ្តាសហគ្រាសជប៉ុនមានចំណាប់អារម្មណ៍យ៉ាងខ្លាំងក្នុងការពង្រីកទ្រង់ទ្រាយផលិតកម្មធ្វើអាជីវកម្មចេញបណ្តាតំបន់ផ្សេងៗទៀត ដើម្បីកាត់បន្ថយសម្ពាធពីតម្លៃនៃកន្លែងនិងកម្លាំងពលកម្ម។ ក្នុងនោះ ត្រាវិញត្រូវបានចាត់ទុកជាតំបន់សក្តានុពលមួយនឹងឧត្តមភាពពីដីធ្លី ពលកម្មសម្បូរបែបបានបណ្តាសហគ្រាសជប៉ុនចាប់អារម្មណ៍។
អនុប្រធានគណៈកម្មាធិការប្រជាជនខេត្ត ង្វៀងហ្វិញធៀន បានផ្តល់ជូនព័ត៌មានរហ័សជូនក្រុមប្រតិភូពីបណ្តាសមិទ្ធិផលពីការអភិវឌ្ឍន៍សេដ្ឋកិច្ច-សង្គម ព្រមជាមួយនោះជាស្ថានភាពទាក់ទាញវិនិយោគក៏ដូចជាបណ្តាសកម្មភាពផលិត ធ្វើអាជីវកម្មចំពោះសហគ្រាស ពិសេសគឺសហគ្រាសជប៉ុននៅខេត្តត្រាវិញនារយៈកាលកន្លងទៅ។
អនុប្រធានគណៈកម្មាធិការប្រជាជនខេត្តបានឲ្យដឹងៈ ជាមួយនឹងបណ្តាសក្តានុពល ឧត្តមភាពមានស្រាប នារយៈកាលកន្លងទៅត្រាវិញបង្កើតបានការទាក់ទាញពីបណ្តាម្ចាស់វិនិយោគ បច្ចុប្បន្នទូទាំងខេត្តមានសហគ្រាស FDI ចំនួន៣៧ ជាមួយទុនវិនិយោគសរុបជាង៣,៤ពាន់លានUSD។ ក្នុងនោះមានសហគ្រាសជប៉ុន១ (ក្រុមហ៊ុនទទួលខុសត្រូវមានកម្រិត Yazaki EDS VN) ជាមួយទុនវិនិយោគសរុបជាង៤៨លានUSD។ គិតតាំងពីដើមឆ្នាំមកដល់ពេលនេះខេត្តបានបណ្តុះបណ្តាលនិងបញ្ជូនពលករចំនួន ៧២៦នាក់ទៅធ្វើការនិងរៀនសូត្រមានកំណត់រយៈពេលនៅប្រទេសក្រៅ ក្នុងនោះមានពលករទៅធ្វើការនៅប្រទេសជប៉ុនចំនួន ៦៥៧ នាក់។ ខេត្តកំពុងវិនិយោគយ៉ាងខ្លាំងក្លាក្នុងការពង្រីកបណ្តាតំបន់ឧស្សាហកម្ម រចនាសម្ព័ន្ធគមនាគម អគ្គិសនី ទឹក យកចិត្តទុកដាក់អនុវត្តល្អការងារបណ្តុះបណ្តាលប្រភពធនធានមនុស្សបំពញបានតម្រូវការជម្រើសពលករបស់សហគ្រាស។ ទន្ទឹមនឹងនោះ លោកង្វៀងហ្វិញធៀន បានសង្កត់ធ្ងន់ៈ ត្រាវិញជានិច្ចកាលមានគោលបំណងបើកទូលាយទីផ្សារ ខិតជិតបណ្តាម្ចាស់វិនិយោគរបស់ប្រទេសជប៉ុននៅលើគ្រប់វិស័យ សង្ឈឹមថា JETRO នឹងជាស្ពានបន្តកោះហៅវិនិយោគបណ្តាសហគ្រាសជប៉ុនមកស្វែងយល់ វិនិយោគចូលខេត្តក្នុងរយៈពេលខាងមុខ។
លោក Matsumoto Nobuyuki បានសំដែងនូវទឹកចិត្តថ្លែងអំណរគុណដល់ថ្នាក់ដឹកនាំខេត្តត្រាវិញបានជឿទុកចិត្តចំពោះបណ្តាសហគ្រាសជប៉ុន។ ព្រមជាមួយនោះសម្តែងគោលបំណងទំនាក់ទំនងសហប្រតិបត្តិការរវាងប្រទេសទាំង២ ជប៉ុន-វៀតណាមនឹងកាន់តែល្អប្រសើរពីមួយថ្ងៃទៅមួយថ្ងៃ បើកចេញឱកាសសហប្រតិបត្តិការវិនិយោគសម្រាប់សហគ្រាសជប៉ុននៅវៀតណាមនិយាយរួមនិងខេត្តត្រាវិញនិយាយដោយឡែក៕
×